Nakuratan Ako!!

“Kung bati-on mo ang kaluya, fighter wine maoy pangita-a…..”

2008, aaarrrggg, kapoy ning tuiga. Wala na ko lung-i sa akong trabaho-on. Nagtumpi-tumpi na. Niadtong niaging Hwebes, nilupad ko padulong sa Cagayan de Oro para mo-attend sa Post Implementation Meeting sa Nestle, CDO Factory. Hinu-on, balik ra sad ko dayon diri sa Makati pagka-Sabado niana.

Abi biya gyud unta nako’g magdugay nasad ko ngadto.

Kumusta na kaha to si bai Jerry noh? Si Weng? si Mam Darlene? si Mami Karlota? si Mam Tikya? Si…… taym pa, daghana pud ani nila oi kung akong panghinganlan tanan. Basta, kamong tanang nilili diri, manghinaot lang ko nga nagka-igit-igit gihapon mo’g pas-an sa mga grasya.

Samtang naa pa ko sa Cagayan de Oro, Biyernes to sa gabii, nilaag ko sa Limketkai Mall. Suroy-suroy lang, basin diay makakita’g babaye’ng magpataroy…..aw unsa ba.. Ganahan biya jud ko sa Limketkai kay mga gwapa kaayo ang naa sa ilang Concierge booth. Smiling pa kaayo. Smiling ba, kanang mapahiyomon, dili kanang kataw-anan og nawong. Usahay mopasangil lang gud ko’g pangutana asa ang CR para lang maka-chika niining mga maanyag nga dalaga. Aw, ambot kung dalaga pa ba to silang tanan. Basta gud, hugot pag pamanit, sa lawas makapainit.

Nakuyawan jud ko atong pagdayon na nakong uli. Pag-gawas nako sa mall, naay usa ka matahom nga babaye ang nanitsit nako og iya kong gitawag, “Pssst gwapo!”. Wala nako kini panumbalinga kay gikulbaan ko. “Psst, gwapo KAAYO!!”, sus nangurog na akong tuhod sa kakulba samtang nag-atang ko og taxi. Nikalit bitaw na siya’g babag sa akong agi-anan. Pwerte ra bang sexyha, manggahi jud ang imong unod bah, mura gud og namarog ang akong balahibo. Kung maghuna-huna pa jud ko’g lain, nahhh, motuskig sad siguro ning akong gidala-dalang alho. Niingon dayon siya, “Pwede makadagkot?”. Mao diay, wala diay kuno siya’y lighter. Maayo nalang gani kay nawagtang ang akong kakulba. Ako nalang sab unta siyang pangutan-on kung pwede sab ba siyang dagkotan pero dili nalang jud ko oi. Dili jud ko gustong makasala sa akong pangging.

Na hala, trabaho na sad ta.. Maayong adlaw ninyong tanan diha mga suking tigpaminaw, este, mga swake nakong mga higala diri sa kahanginan.

Binggit~!

Naay nibutoy ibabaw sa akong kalimutaw
Sa akong mga higala, ako nauwaw
Sa ngabil nga bungoton, ako kuno namuso
Bugtong kong tubag, sayop ang inyong pagtuo

Binggit nga mura og mata’g-tiki
Nainpeksyon tungod sa dakong liki
Sa mga tagalog, gitawag kini’g kuliti
Tungod kuno kini sa nakit-an kong giti

Taod-taod na sad nga wala ko kasuwat og walay nada nga balak. Para ra man sad ni sa mga walay nadang mambabasa hehehe..

Bag-ong Karaan~!

Happy New Year!!!

New year naman diay. Unsaon, wala man nako maabti ang paglakang sa tuig. Alas diyes pa lang, pwerte naman nakong tuloga. Gipukaw kuno ko nila, wala gihapon kuno ko momata. Sayo man kaayo nahubog gud. Nakaingon na jud ko sa dili na maihap nga higayon nga dili na ko moinom.

Pagkabuntag na nako nabasa ang tanang mga mensahe sa akong cellphone. Mga greetings gikan sa akong mga minahal sa kinabuhi – nanay nako, mga kaigsoonan, mga iyaan, mga uyoan, mga ig-agaw, mga higalang higal og uban pang mala`ng mananap. Nagkatawa lang ko sa mga greetings sa akong mga ig-agaw.
“Kid, hapi new year. Hinaot nga kining tuiga magdala kini kanimo og dugang swerte sa imong career sa showbiz – nga unta magtumpi-tumpi pa gihapon ang imong mga endorsements, tv shows og unta dili nalang nimo taakon ang kalibutan sa politka.” – mao ni ang mensahe sa akong ig-agaw nga ka-edad ra sad nako.

“sK!Drow, hapi new year. Wishing u all the best – best actor og uban pang mga best” – pung pa sa usa nako ka ig-agaw sa Davao.

“Kid, malipayong pagsugat sa bag-ong tuig. Hinaot nga makakaplag ka’g daghang bahandi karong tuiga sama sa nagtapun-og nga mga salapi og nagkadaiyang mga giti” – susmaryosep, mao intawn ni ang gipadala sa akong ig-agaw sa Lilo-an.

Nagkatawa jud ko og maayo sa ilang mga mensahe. Pastilan, ang akong mga ig-agaw mga sipat jud kaayo. Naka-ingon nalang ko sa akong kaugalingon nga kung magkuyog ming tanan uban sa akong mga ig-agaw’ng pating, ma-aan man siguro mi’g mga abnormal.

Naa pay usa gikan sa akong manghud, “Kuya, hapi new year. Hinaot nga baskog ka kanunay. Maayong panglawas og pirming utog nga armas maoy akong gipangamuyo para kanimo!”

Mura uroy kog mamatay.

Magbag-o na tang tanan oi. Ikaw bai Jerry pagbag-o na intawn, utang buot hehehe. Apan unsa man akong bag-ohon? Mao jud ni ang akong pangutana nga nagtangag og dakong tae, este ganti.

Gabii, akong gihinuktukan ang mga butang nga kinahanglan nakong usbon. Apan hangtod karon, naghinuktok pa man ko so, dili pa nako mailatid dinhi sa akong payag. Sa sunod higayon nalang oi. Sige, trabaho na ta. Palihi bah..

Ang Saad Sa Yutang Panaad!!

Sa akong hamubo apan mabungahong pag-istar sa Yutang Panaad, adunay mga butang nga nikulit og nagduyan-duyan sa malumo kong dughan og usa na niini ang akong pagkahimamat sa mga taw’ng naghatag nako’g kadasig aron sa pakigtigi sa mga inadla-adlawng gimbuhaton – ang mga malipayon og maabi-abihong mga tawo sa Nestlé Cagayan De Oro factory. Sir Bart (nga dili magpatawag og Bartolome), Sir Noel, Sir Joel, Sir Darwin, Sir Loloy og Sir Nonie (nga nangagda nako’g suroy sa usa ka lawak sa mga ….aheem…), sila ang mga taw’ng nagdugang nako’g kadasig sa akong pakiglambisog sa akong inadlawng pagpanginabuhi. Sila ang mga tawong nahimo nakong mga higala su’d sa hamubong higayon, ang uban ani nila higal sab hehehe.

Sa usa ka buwan og tunga nakong pag-istar sa Cagayan, naay mga panahon nga niabot ang akong kahidlaw sa karneng kinilaw apan niabot nalang ang gutlo sa akong pagbiya sa Yutang Panaad wala gyud intawn ka-taroy (pu’ng pa ni Sir Nonie og ni Sir Bart). Naay usa ka higayon pagkahuman namo og pagpangaon sa Countryside Steak House, gi-agda ko nila ni Sir Nonie og ni Sir Loloy nga manglaag. Gusto unta ko mokuyog apan naikog sad ko sa duha nako ka-ikog este kauban, maong gipaagi nalang nako og ngisi-ngisi ang akong pagbalibad. Nagpasalamat sad biya ko kay wala ko makasala sa akong pinangga nga nahabilin diri sa Makati apan niadtong gutlo-a, ikumpisal nako ninyo nga dako sab intawn ang akong pagmahay. Haaayyyyyy, bisong na unta to…

Pero akong isaad nga mobalik ko sa Cagayan sa dili madugay. Mobalik ko ngadto kay wala man ko’y mahimo kung pabalikon ko didto kay naa pa man ko’y usa ka project didto. Pero sa tinuod lang, nindot sad kaayo itrabaho labi na kung ang mga tawo sa imong palibot pareho sa mga tawo nga akong gipanghinganlan sa itaas. Bisan pa man tuod nga moabot ang panahon nga magkapuliki og magkagidlay ko’g sagang sa mga problema nga ipasa kanako gikan sa taga-production, mahimuot sad kong maghuna-huna kay kabalo ko nga sila sab, nagkabuang kung unsaon nalang pagtabang sa mga data nga na-declare na sa SAP.

Sa dili pa ni nako tapuson, tugoti ako sa pagyagyag niining nagbaga sa kainit nako’ng pasalamat sa mga tawong akong nahimamat og nahimong mga higala sa Cagayan. Salamat Sir Bart sa imong pag-agak kanako sa panahon nga ako nalugmok tungod sa mga problema nga atong naagi-an atol sa atong pagpakigbugno sa atong project. Salamat Sir Noel nga bisan sa panahon nga pressured kaayo ko, naa gihapon ka nga nagsige og pakatawa. Sir Darwin nga maoy nihupay sa nagsalimuot kong tanlag (keber!). Sir Joel, bisan pa man sa mapanghasi nimong tingog, nagpitik-pitik gihapon ang imong kasing-kasing nga gialirongan og gidan-agan sa makabuta’ng suga sa mga aninipot (pasensya na jud Sir kung wala kay nasabtan aning akong kabuang). Kang Sir Loloy nga maoy pinaka-kalma nga nilalang nga akong nahimamat diha sa Cagayan. Ug kang Sir Nonie nga maoy nagsuway kanako kung unsa gyud kaligdong ang akong baruganan batok sa mga lawasnong kalipay (pero unya’g balik nako sir, modayon na jud ta ha?). Og sa tanan nakong mga fans og sponsors, Rik-rik Corn Snack og Rik-rik green peas, salamat kaayo. Og kang doktora Vicky Belo diay…

Merry Christmas nalang kanatong tanan og hinaot nga makaplagan na nato ang dugay na natong gipangita, ang lunsay nga kalinaw og kalipay, og unta makabaton kitang tanan og tinuod nga gugma sa usa’g-usa nga maoy gitudlo kanato ni Kristo Hesus nga atong manunubos. Ang gugma og kalinaw sa Ginoo magauban kanatong tanan. Merry Christmas and have a Christ-filled holiday season.

Utro sab diay~!!

Yahoo!! Maayong buntag Pilipinas, maayong gabii America, og maayong pagpanga-on mga bitokon. hehehehe joke lang ha. Basin magrally dayon mo sa Mendiola o sa Fuente Osmeña Circle hehehehe. Wla na kaayo ni nako natagad kay nalingaw man gud ko sa akong laing mansion. Usa pa, busy sab ko og pirmi lang sab ko masakpan ni boss-amo-agawn-manager nga mag-internet. Saon naman lang ni oi.

Gabii diay nagkatagbo mi ni Gamayng Juan. Gikan ko naghatod sa akong pangging, siya sab gikan sa hospital kay na-admit intawn iyang mama. Naa man gud siya’y gisumbong sa iyang mama mahitungod sa kalaki sa iyang papa maong na-ospital intawn ang makalolooy niyang inahan. Mao kuno ni ang nahitabo ay……

Gamayng Juan: Ma, nasakpan nako sila si papa og si mam tikya didto sa kakahoyan.

Mama: Ha? Unsa ilang gibuhat didto? Imo bang nakit-an ang tanang nahitabo?

Gamayng Juan: Kita mo lang!! Pag-abot nila didto, nalibang man ko ato nagpatong ko sa sanga sa bayabas. Unya saba man kaayo si Bantay nga naghangad nako sa ubos nga maoy tig-sawo sa akong tae, ako unang gi-utong og maayo para makakaon si Bantay unya dili na magsige og saba.

Mama: Maayo nga imong napahilom si Bantay. O unya unsa’y nahitabo?

Gamayng Juan: Pag-abot nila didto ma, gihagkan dayon ni papa sa lips si mam tikya. Unya gihubo ni papa ang pang-itaas nga gisulob ni mam tikya. Dayon gilangkat ni papa ang bra ni mam tikya ma nabugto gud ang garter, mura jud og uhaw kaayo si papa ma bah. Unya ang paghalok ni papa ma padulong na sa ubos, naabot sa dughan ni mam tikya. Bisan layo-layo og gamay akong distansya nila ma pero dungog gihapon kaayo ang pag-agoo ni mam tikya ma. Unya gihubo nasad ni papa ang pang-ubos ni mam tikya og gihubo-an sab ni mam tikya si papa. Unya nagligid-ligid silang duha, maayo nalang gani kay wala maabot sa akong tae. Dayon si mam tikya na sad ang naa sa ibabaw, gihagkan niya si papa gikan sa taas hangtod sa ubos. Dayon nipa-

Mama: Sakto na Gamayng Juan. Unya na na-itiwas kung maabot na imong papa.

Nikalit og abli ang pultahan.

Mama: Animal ka! Pisti kang inataya ka! Gamayng Juan, isulti sa imong maayong laking amahan ang imong nakit-an didto sa kakahoyan!!

Gamayng Juan: Nakit-an nako sila si papa og mam tikya didto sa kakahoyan ma naghinagkanay. Dayon gitila-tilaan ni papa ang dughan ni mam tikya ma. Pagkataod-taod, gihubo-an ni mam tikya si papa. Gihagkan sad ang dughan ni papa, hangtod nipatong na jud si mam tikya ma og og og og.. gigigi-gunitan ni mam tikya ang luso ni papa ma kay iyang gisulod sa iyang bisong dayon pwerte nang langasa ni mam tikya. Pareha jud sa inyong gibuhat ni Uncle Jerry ma ba kadtong naa pa si papa sa Dubai!

Gi-atake intawn sa kasing-kasing ang inahan.

Mao diay to ang nahitabo maong na-ospital ang mama ni Gamayng Juan. Taod-taod sad biya mi nag-istoryahanay ni Gamayng Juan gabi-i. Ako lang siyang giunongan sa iyang problema ba.

Iho Sa Pasig River~!!

Samtang nagsakay ko sa jeep padulong sa Guadalupe – Ilalim, natrapik mi’g kadiyot sa J.P. Rizal pa lang dili pa layo sa Rockwell. Unsaon nga pwerte mang daghanang mga tawo nga naglaray og nagkaguliyang samtang nagdung-aw sa Pasig River. Maong apil ang mga driver, nagpahinay na lang sad sa dagan kay tsismoso man sad. Pastilan, mao diay kay naay iho nga nakit-an nga nalumos…aw ambot kung nalumos ba jud to o hapit lang. Unya naluwas ang iho og gidala sa ambulansya. Pag-agi jud sa jeep nga akong nasakyan tungod sa ambulansya og tungod kay hinay lagi ang dagan sa jeep mura’g porlon nadunggan nako ang tabi-tabi nila sa ambulansya.

Binisay-on nalang nako ha kay tingin ko mas-maiintindihan nyo kung bibisayain ko eh [ nangulihad... toooheeee ] hehehehe

Naay usa ka tiguwang, adunahan og porma, niduol sa iho og miingon, “Iho [hijo], unsa’y nahitabo nimo? Unsa may imong gibuhat diha?”

Sus abi jud nako’g iho tinuod, bata man diay. Og mitubag ang bata…

“Namasol ra man unta ko unya nadakin-as ko ba. Maglisod man ko’g langoy kay kusog kaayo ang sulog!”

“Unsa’y namasol? Kinsa man imong basolon? Kinsa may gibasol nimo?”

“Basol? dili oi. Namasol bah, pasol. Kanang nanagat!”

“Uy uy uy ondo, ayaw ko’g korehe-i kay sayop sad biya ka. Dili biya na dagat nga managat ka diha!”

“Aw, nanapa gud kay sapa man kaha na! Galit na U?”

Sus maayo nalang kay nisaylo na mi dapit sa ambulansya. Gabi-i na kaayo ko naabot sa opisina sa akong pangging. Naghuwat ra siya nako didto, gilangaw intawn mura’g tinabal nga nadubok bah. Kaluoy pud, ako nalang gitreat sa Seafoods Island didto namo gipahungaw ang among kagutom. Ugma nalang ang pictures sa among lamoy didto ha kay wala nako madala ang USB cord.

Upa Vs Jerjer

5:30 pa lang, naana ko sa balay gahapon. Wala nako sundo-a akong pangging kay naa man silay lakaw mga barkada niya. Dili man sad ko gusto mokuyog kauban iyang mga barkada kay ma-OP unya ko, kung ako sad ang naay lakaw kuyog mga barkada nako, dili man sad siya mokuyog. Ingon ana among relasyon, naa siya’y panahon sa iyang mga barkada, naa sad ko’y akong panahon. Social reponsibility man na namo nga makig-mingle sa mga higala namo, as long as nakahibalo ko kung asa siya og siya sab nakahibalo kung asa sab ko.

Pag-abot sa alas-sais, nagluto na ko og kan-on kay gigutom na ko. Palit dayon ko’g pancit canton parisan og 5 ka buwad. Mao ra to akong sud-an kay gimingaw na ko’g buwad. Lami biya kaayo ning buwad, di ba bai Jerry? Dili lang bingka sa Mandaue ang lami oi, buwad sad lami kaayo. Bisan pa nga pinobre kaayo akong sud-an gabi-i, nagdagayday biya sab ang akong singot.

Apan balik una ta sa pagpalit nako’g pancit canton og buwad sa dili pa ko magluto ha? Nagkatawa ko sa subay sa akong amigo nga mas nauna nako’g palit. Boy Jones may alyas atong tawhana nga bisaya sad, nipalit siya’g Red Horse sa tindahan ni Kuya Nelson. Samtang gihuwat pa niya iyang sukli, nisugilon dayon siya nako…

Boy Jones: “Saba kaayo sa apartment namo maong nigawas ko, palit ko’g Red Horse oi”

Ako: “Ngano diay, unsay okasyon didto sa inyo?”

Boy Jones: “Walay okasyon gud. Naglalis akong asawa og ang asa ni Mang Noli nga nag-abang sa pikas bah!”

Ako: “Nah, bungangera sad raba to!”

Boy Jones: “Nagpares lagi ang duha ka dagko’g baba. Mga dagko sad og kuan. Nagpa-sounds man gud ko sa amo nya napakusgan sa akong asawa, nikalit man lang og singgit tong asawa ni Mang Noli! Pwerte ra bang taasa sa tingog, high pitch kaayo bah. Ingon dayon siya ay, ‘Hoy, tangina nyo wag kayong maingay jan. Alam nyo namang may naka-upa dito sa kabila eh!‘”

Ako: “O, unya unsa say tubag sa imong baba-on sad nga asawa?”

Boy Jones: “Ay wala sad palupig, giingnan sad niya nga, ‘Uy-uy-uy-uy pag-inupahay mo diha’g inyo kay mag-jerjer sad mi diri’g amo, tangina ka!“

Nisaka nalang ko sa balay kay giagda nako’g inom. Dili man sad gud ko ganahan moinom kung naa koy trabaho unya’g ka-ugma. Gibiya-an nako siya didto nga nagtungab-tungab sa iyang Red Horse!

Namotbot lang ko’g kadali samtang wala pa akong boss-amo-agawon-manager!! Maayong adlaw ninyong tanan diha!!

Gidagat~!!

Ang gugma og kalinaw sa Gino-o maana kaninyo!!! Hello Philippines and Hello World!!! Ani-a nasad kita sa ika-ambot-ika-pilang-edisyon-na-ni sa atong PBB Ako ra ang Celebrity Edition.. Dili Pinoy Big Brother ha kundi, Pwerting Botbotona Bai!!

Sa dili kaayo suheto o sweto sa pinulungang binisaya, ang titulo karon sa akong botbot kung kamao man gani mo mobasa, mao ang Gidagat. Ang buot ipasabot nianang pulonga, nga kanang malipong ka og kasuka-on. Namugna kining pulonga niadto pang tuig nga wala pa matawo ang mga Lolo sa atong mga Lolo. Naa man gud kuno’y usa ka bisdak nga naka-imbento og sakayan o baruto nga iyang gigamit aron pagpanagat. Og sa iyang pagpanagat, dagko man kaayo ang bawod o balod, nalipong intawn ang mananagat og nagsige og suka. Pag-uli niya sa ilaha, gipangutana siya sa iyang asawa nganong nangluspad siya og dali-dali kining nitubag….“hay dah, gidagat ko!”

Og diha namugna ang pulong nga gidagat. Mangutana mo nganong nahisgutan nako kining pulonga? Sus, kini man gud si Gamayng Juan nagtext nako gabii. Nagpakasal man diay kuno siya sa iyang hinigugma niadtong niaging adlaw. Nahigugma jud siguro si Gamayng Juan atong bayhana kay bisan pa nga naay apan ang babaye kay bakol man lagi, iyaha man gihapong gipakaslan. Apan iyang giuli ang babaye sa mga ginikanan niini gahapon lang sa udto. Mao ni ang pangsukli-ay namo og mga pulong ay:

Dili biya ni nagpasabot nga nagyaga-yaga ko sa atong mga igsoon nga naay ingon-ani nga deperensya ha. Pawagtang lang ni sa stress gud kay nataranta pa ko diri og pangandam sa akong programs og database..

Gamayng Juan: Bai, kumusta diha? Naa ko karon nagyampungad sa imnanan. Naguol ko og nagbasol nga akong giuli akong asawa.

Ako: Nagpakasal diay ka bai? Kanus-a man? Nganong imo mang giuli imong asawa?

Gamayng Juan: Oo, nagpakasal mi niadtong miaging adlaw. Pero akong giuli oi!

Ako: Ngano man? Unsa’y problema?

Gamayng Juan: Abi man gud nako kung dili ra maka-apekto nako ang among pag-ipon bisan pa man bakol siya. Apan kung mag-sex mi, magtuwang-tuwang man gud ko! Gidagat ko oi!!

Natuk-an gud ko sa akong laway samtang nagbasa sa iyang reply!!

Dahhh…Kapoy!!

Hayy, maglisod na man ko’g lusot diri oi. Busy pa kaayo ko’g pangandam. Oct 24, molupad na ko padulong sa Nestle CDO. Ambot hangtod kanus-a ko didto. Pero maayo unta kung dili maabtan og Christmas. 3 diay mi kabuok didto magkuyog oi, ako, ang head sa automation og ang akong boss diri nga dili jud magpabiya nako. Pirmi lang jud ko bantayan ani niya. Pirmi sad ko sakpan mag-internet. Ambot naa man kaha ni’y pagtan-aw nako ai. Pagklaro diha sir ha? Hayyyy o sige, diri nalang sa ko kutob kay gikutasan pa ko. Mao pay pag-abot nako diri sa ofis. Mangayo sa ko’g kape sa vendo machine!! Maayo to didto sa vendo machine, maski wala kay ihulog nga kwarta makadaog gihapon ka’g kape..!!

Ang baws ni Lory

If you will win the contest, why?

Mao ni ang pangutana nga nagtangag og tae, aw dakong gante diay! Sus, si Lory mobaws jud. Unsaon naman lang ning pangutanaha nga dili man ni matawag og, sa iningles pa, “sentence”. Diba mam Lory, a sentence is a group of words which expresses a complete thought? Susmaryosep, bisan unsaon nako’g kalkal akong utok maglisod jud ko’g tubag. Bugoy-bugoy man ni imoha mam Lory oi. Asa naman ang hustisya ani? Maru-maru ka dah para lang makabaws hahahahaha. Tubagon nalang sad ni nako’g kinalog oi.. hahahahaha

If I will win the contest, because I am very handsome (ohhh pretentious bastard!). Unsaon man jud ni pagtubag ha!! Ahh, bahala ka mam Lory, ako jud ning i-reconstruct imong pangutana. Og mao ni ang ninanoktok sa ganghaan sa akong alimpatakan:

If you will win the contest, do you consider yourself as the most handsome guy and why?

Huh, saperns!! Naa mo anang pangutanaha? hahahahaha

Salmo responsoryo ang akong tubag mao kini:

Absolutely yes! I consider myself as the most handsome and unique because I am the most pretentious-shameless-stupid kid around. Magbuot mo kung akong gi-usab ang pangutana? Magbuot mo kung mao ni akong tubag? Kamo bay gwapo lalim ba? Kamo bay botboton lalim bah? Haaayyyy, nagsalimu-ang uroy ko aning pangutanaha..

O kani beh, ako ning ipatubag ninyo.. Ako nalang tingbon tanan ha.. Tubaga ni akong mga pangutana ha? Para ni sa tanang mobasa ani….. hehehehehe

“If a man with no arms has a gun, is he armed?”
“If a turtle has no shell, is it homeless or naked?”
“If they have calculated the speed of light, so what’s the speed of dark?”
“Why are they called restrooms if you don’t rest in them?”
“Why are they called apartments if they all stuck together?”
“Why do they use sterillized needles for lethal injections?”
“If a mute swears, does his mother wash his hands with soap?”
“Who closes the door after the bus driver get’s out?”

“Who suggested the suggested retail price?”

Og ang pinaka last nga pangutana..

Kinsa ang nagpatay sa pari sa Cordova?