A Love Story

Mga pipila lang kaminuto sa akong pag-abot sa among pinuy-anan gahapon gikan sa opisina, nagring akong cellphone samtang naghigda ko aron mopahuway kay gikapoy. Akong isugid ninyo pinaagi sa istilo sa drama.

Oops, nibagting akong telepono. Kinsa kahi ni. Yuna pa akong puniton aron tan-awon. Ay ang akong man diayng pinangga. Akong tubagon.

“Haller!?”
“Hello hon, maglalaba ka ba ngayon?”
“Hindi po, bakit?”
“Nood tayo nang sine?”

Mura man og nawala akong kakapoy. Pero wala na ra ba ko’y salapi kay nahurot sa among paglaroy-laroy sa Baguio og Hundred Islands dah. Ah ako nalang siyang ingnon nga kapoy ko og wala koy kwarta.

“Sweetie ko, pagod ako eh. Pwede sa susunod nalang? Wala na rin kasi akong extra money eh!”
“Hon, sweldo ko po ngayon kaya ako na naman ang maglilibre sayo ok?”

Naka-ingon ko sa akong kaugalingon, “Hmm, nindot ni!”

“O sige po, magbibihis muna ako! Teka, di pa yata natuyo yung tuxedo ko!”
“Hon, serious!”
“Anong serious? Dalhin natin sa ICU”
“Hon naman eh!”
“O sige, paalis na ako!”
“Thanks hon!”

Naglakaw ko nga naghinam-hinam kay nagtuo ko nga ang among tan-awon katong movie nga kataw-anan. Puli to siya ni Bruce Almighty, ang Evan Almighty!

Naabot mi sa sinehan og nidiritso siya sa counter. Aw nagliko-liko diay oi kay kung modiritso siya, mabangga man siya sa mga railings og mga stalls.

Pagkahuman niya’g bayad:

Mag-una-una ko sa Cenima 2 kay to-a didto ang Evan Almighty. Oops nganong iya man kong giguyod? Ah, basin amo unang tan-awon ang mga next attraction nga mga salida. Apan, nganong nisulod man mi sa Cinema 3? Unsa man ang naa dinhi? Nilingi siya nako. Mura’g naay isulti. Oops, naa gyud diay!

“Hon, hehehe, A Love Story nalang panoorin natin ha?”
“Ha?”
“Sige na pls?”
“Anong magagawa ko, libre mo to!”
“Korek!”

Hayy, mosulod nalang sad ko. Mura man hinuon ko’g giduka. Tagalog man gud. Mura’g nakakita na siya’g lingkoranan. Molingkod na mi. Ako siyang ingnon nga papukaw lang ko kung humana. Ah dili nalang oi basin masuko. Bahala na.

Haayyyy, sa tinuod lang wala ko malingaw. Paeta jud basta babaye oi kay ang paboritong tan-awon kay mga kinrigwit jud bah. Mga igat-igat. Nya nihilak sad ra ba siya kadtong nagdrama-drama na si Aga og si Maricel. Naka-ingon jud ko nga grabe jud ni mangilad ang mga artista. Ti-aw mo na, ang akong pangging pa ang nagbayad aron tan-awon ilang pelikula, paapilon pa jud nila’g pahilak akong pangging. Akong gikomedyahan akong pangging: “Wag ka nang umiyak. Bibilhan kita ng candy mamaya! Libre ko! Gusto mo ba yung Bobot na may libreng sing-sing? Umiiyak ka jan eh di ka naman binayaran. Ikaw pa nga ang nagbayad eh. Eh yang mga taong yan, umiiyak sila pero ang laki nang ibinayad sa kanila!”

Gikusnit na hinuon ko!

A dyes! A dyes’te!!

Sa kasugarol sa akong amahan, swerte gihapon ko kay wala ko mapareha niya. Tinuod moduwa ko og tong-its pero kanang kami lang manag-soon. Lingaw-lingaw lang. Pawagtang lang sa kalaay.

Nakahinumdum lang ko niadtong gamay pa ko, grade 1 pa man siguro ko ato, naay sabong sa babaw sa ilang Nang Ester kay piyesta lagi. Nakit-an nako akong amahan nga nag-andam sa iyang bayogon. Bayogon ba na o buyogon? Ambot dili ko sweto ana. Nangutana ko ni Tatay kung unsa ang tawag anang ha-it kaayo nga ibutang sa tiil sa manok. Niingon akong tatay nga “buwang” ang tawag ana. Tungod lagi kay walay kalibutan, niingon ko “Dili diay pwede sanggot nga sangkong ibutang sa tiil tay para siguradong daog?” “Ma sanggot ka karon sa imong kagaral!” Gikasab-an ko ni tatay kay basin dimalason daw siya.

Sus, grabe jud ning mga sugarol. Maayo nalang gani kay nakadaog iyang manok. Wala gud masamdi iyang manok kay nali-og man ang kontra, nidangoy-ngoy kuno dayon ang li-og sa kontra. Pag-abot sa amo-a, gisugo dayon ko’g pahimulbol sa bihag. Nikugi sad intawn ko kay manok na among sud-an. Sige lang gud ming buwad og ginamos ato. Gitay-an na siguro among tina-e. Pagpanga-on na namo, hastang lami-a sa sabaw oi. Gipangita dayon nako ang batikon kay mao man jud to akong paborito. Gikasab-an sad ko ni nanay kay dili ko pwede mokaon og batikon kay pisot pa lagi waaaaahahahahahaha. Mokubol unya kuno unyag tuli. Gihadlok pa jud ko ni kuya nga basin pinuti ang gamiton ni Noy Arte unya’g tuli. Patay ra ba to si Noy Arte dah, dili kaha ko kalgon ani nga ako siyang gihisgutan? Siya man gud to ang manunuli. Ambot basta “pakang” ang termino ato. Pagkadungog nako ato, nihilak jud ko sa lamesa kay dili ko ganahan magpatuli ni Noy Arte. Gusto ko sa doctor ko magpatuli kay dili kuno sakit bah kay naay itusok nga viagra este Anesthesia. Niingon si Nanay nga hilom na kay sa doctor lagi ka magpatuli. Pagbuka nako sa akong mata, nawagtang na ang batikon sa akong atubangan. Ningaab pa jud intawn ko. Pero sa usa lang ka tan-aw ni tatay nako, hilom dayon ko. Hadlok jud kaayo ko ni tatay sauna. Pero karon,……..hah, hadlok gihapon hehehehehe. Dili bitaw oi, dili na ko mahadlok niya. Giingnan na nako siya nga gamay nalang kaayo ang respeto nga nahabilin nako para niya. Kung dili siya magtarong sa iyang nahabiling kinabuhi sa kalibutan, basin magmahay lang unya siya!

Sa akong nabalitaan sa amoa, sugarol man gihapon kuno kaayo akong tatay. Pero dili nasad kuno pareho sauna. Hayyyy, ngano jud kaha!

Pamalandong II

Sa among pagsinukli-ay og mensahe sa usa sa mga bloggers diri sa cyberspace, ang katapusang mensahe nga iyang gipadala maoy nakapatandog kaayo kanako. Daghan kaayong salamat weng sa imong mensahe. Grabe ka gamhanan ang imong mensahe tungod kay sa akong pag-uli gahapon, ang imong mensahe maoy nagtuyok-tuyok sa akong alimpatakan. Hangtod naabot nalang ko sa among gipuy-an, wala gihapon malipong nagsige gihapon og tuyok-tuyok sa akong huna-huna. Nakapanghinuktok ko og nipiyong nalang sa akong mata.

Busa, agi’g pasalamat og pagpagawas sa akong gibati human nako nabasa ang imong mensahe, akong ibahin kaninyo ang usa sa mga paborito nakong huni og awit. Ang tanan nako’ng gibati, gihulagway lang kini sa usa ka kanta og mao kini ang “Grace and Love” nga gipasikat sa bandang “Kutless”.

Para inyo usab mapaminawan ang maong kanta, right-click lang diri og pili-a ang Save Target As.. para inyong madownload..

Title: Grace And Love Lyrics
Artist: Kutless
Album: Kutless
Many things in life are hard for me
Many things can pull us down
I don’t understand why I do what I do
How could I take my eyes off you
After all You’ve done for me
And after all You’ve done for me

It’s by grace and love I am saved
It’s by grace and love You’ve forgiven me
And by that love and grace I’m amazed
It’s by grace and love I am free
I am free, I am free, I am free

And it’s by grace and love that I am free
I’ll live with You eternally
I thank you Lord that I am free
I thank You Lord for loving me
I thank You Lord for dying upon the tree of Calvary
I thank You Lord for loving me
I thank You Lord for dying for me

Because it’s by grace and love I am saved
It’s by grace and love You’ve forgiven me
And by that love and grace, I’m amazed
It’s by grace and love I am free
I am free, I am free, I am free

Many things in life are hard for me
Many things can pull us down
But by grace and love You’ve forgiven me
And by grace and love we are free

Ladies Bayntsingko!!

Septembre nasad, hapit nasad ang kasumaran sa kapiyestahan sa among patron didto sa Eskina Acoje – San Vicente. Ako pang nahinumduman nga sa gamay pa ko, kung magsingabot na gani ang piyesta, kada-Sabado sa gabii magpahigayon dayon og bayle ang lider sa kapunungan. Naa sila’y gihimong kalihukan diin mamaligya sila’g babaye, este, mamaligya’g buwak. BUWAK ha dili BU-AK. Wala jud koy kalibutan niadtong panahona kay gamay pa intawn kaayo ko. Mura pa ko’g kuyamad ato. Basta ang akong nahinumduman, naa sila’y gitawag og mga “kandidata” para mamahimong rayna. Wow, sosyal, ang kabukiran sa Kawasan naa nay rayna! Kung kinsa kuno ang pinaka-dako’g natigom pinaagi sa pamaligya’g buwak, mao ang mamahimong rayna sa kalubihan. Di bitaw oi, rayna sa umaabot nga piyesta.

Unya’g sugod na sa bayle, tagsa-tagsa dayon nilang pa-adtoon sa tunga sa baylehan ang kandidata unya ang mga ulitawo maglinya dayon aron isayaw ang maong kandidata. Kada-sayaw, baynti-singko sentimos ang balor niini. Kung mopataas gani sa kamot ang ulitawo nga naa sa sunod, nagpasabot kini nga gusto sad siya’ng maki’g sayaw sa maong dalaga. Pero kung ang ulitawo kinsa maoy kasamtangang kapares sa kandidata mopataas sab sa iyang kamot, nagpasabot kini nga gusto pa niya’ng paliton ang buwak sa dalaga. Sa laktod nga pagkasulti, kada-isa sa kamot sa mga ulitawo, bayntisingko sentimos ang balor o presyo niini. Usahay mokabat sa sengkwenta sentimos. Pero sa akong kahibulong, wala may dalang buwak ang maong dalaga. Bisan pa ang mga ulitawo wala sad silay dalang buwak. “Giilad-ilad ra siguro ko ani nila ay”, pu’ng pa nako sa akong kaugalingon samtang gipugos nako akong mata nga mobuka bisan duka na kaayo.

Apan ang pinaka-alegre niadtong hitabo-a, nawagtang akong duka sa dihang limpyo og hanutoy kaayo ang dagan sa maong bayle, sa kilid sa baylehan naay ni kalit og syagit – “Boyla! Larga bola! Hari! Larga bola! Oopss, patay!”. Sus, nagkaguliyang ang mga sugarol nga naghantak sa kilid. Ang bangkero pwerteng dako-a sa kamot nga ninghakop sa mga kwarta sa mga namatad. Gibadlong sa tigdumala sa bayle si Noy Tinoy, kinsa maoy tig-syagit sa hantak. Mura’g masyador bah..pero ambot dili ko sigurado kay dili biya ko sugarol. Bisan tuod ang akong tatay pwerte ka sugarol, lahi biya ko.

Tuod man, nagpalayo sa baylehan ang grupo ni Noy Tinoy. Apan tungod lagi sa kadako sa tingog niini, bisan naa pa sa layo kusog gihapon kaayo ang iyang tingog. Mas nagbani-og pa iyang tingog sa trumpa nga gihigot sa lubi. Mura bitaw og naay megaphone nga nakasab-it sa iyang tutonlan. Pero ang pinaka-sikat jud niadtong hitabo-a, sa dihang naay hubog nga gustong maki’g sayaw sa dalaga. Mobalibad unta ang dalaga apan giingnan nalang siya sa tigdumala nga sayawan nalang kay nibayad na kuno og usa ka gatos. Sus pagka-taod-taod, nikalit lang og butho ang asawa sa maong hubog og gilaparo intawn ang hubog niyang bana. Nisukol ang hubog, apan tungod kay hubog lagi, usa ra ka sagpa sa asawa tikay-ang dayon. Naundang nalang ang maong programa.

Inig abot sa piyesta, labi na kung papasohon na ang nahimong rayna og iyang mga dama, usa sa mga banggiitang imbitado mao si Noy Dulcing. Grabe kaayo mo batbat sa iyang mga balak bah. Mura bitaw’g ermitanyo hehehehe. Mao jud ni akong nahinumduman ay:

“Oh akong rayna
Sa dili pa ka mopaso sa imong harden
kauban sa imong mga dama,
Hangda sa langit ang pagsidlak
sa mga bituon og buwan
nga maoy niiwag sa humot mong dalan
og maoy nidan-ag sa tambok mong kalawasan
Ani-a ako sa imong atubangan
Kinsa nagsud-ong sa mahamis mong aping
Apan ang imong li-og daghang garas sa iring-iring”

Bitaw oi, binuang ra ning ato. Nakalimot na bitaw ko sa mga pulong nga gipang-batbat ni Noy Dulcing. Mahimoot lang ko nga makahinumdum sa mga kalihukan sa amoa sauna ba og sa mga katiguwangan sa among lugar. Labi na to si Noy Tinoy, imong ginikanan himuong yawa. Ti-aw mo na, kung makalimtan niya ang pangalan sa imong mama o papa, himuon na niyang yaw. Ingon-ani ay, “ah si Marlito nga anak ning yawang. pisting-yawa kalimot ko sa panga’n!”. Naa pay usa, si Titi Panyong. Sus grabe tong tawhana, buntag sayo manugway sa iyang kabaw pero nagtakin og usa ka lapad nga tanduay. Mao jud ni iyang paboritong pulong ay, “Batsi wala lapad!”

Ika-tulong Destinasyon, Baguio

Pagkahuman namo og laroy-laroy sa hundred islands, hinay-hinay nang nihabol ang kangitngit. Hinay-hinay nasad ming nangita og van padulong sa Dagupan para unya’g abot namo sa Dagupan, mosakay nalang sad mi og lain pa’ng van padulong sa, Baguio. Haaayyyy, wala pa jud ko’y tulog atong higayona. Sa dihang padulong na mi sa Baguio, matulog unta ko sa dihang lain ang dinaganan sa van. Mura man og kalibangon ang driver. Kuyaw ra ba ang agi-anan kay liko-on bah. Wala nalang jud ko matulog. Nakadesisyon nalang ko nga unya’g abot nalang namo sa Baguio, adto nalang ko matulog. Alas 9 na sa gabii sa dihang naabot mi sa Baguio. Tinuod jud ilang giingon, bugnaw jud diay. Mura gud og nikuyos akong itlog sa katugnaw. Sa dihang nakakita na mi og katulgan, ahhh, wala nako maglangas-langas pa, natulog na jud ko. Dili nalang nako isugid tanan, ang mga hulagway nalang ang magpasabot sa tanan ha. Naglain na jud akong lawas. Gusto unta nako’ng i-upload tanang mga hulagway kaso, kuwang sa panahon.

Ika-duhang Destinasyon, Alaminos Hundred Islands

Pagkahuman namo’g simba sa Manaoag, oo nakaabot jud mi sa misa, nanga-on una mi sa Chowking. Ikaduha namong destinasyon, ang Alaminos Hundred Islands. Bisan tuod og gikan nako sa hundred islands niadtong niaging buwan sa Mayo, tungod lagi kay wala pa kaadto ang akong pangging og ang iyang kuya, amo nalang gitaak ang mga isla sa Pangasinan.

p>

Unang Destinasyon, Manaoag!

Wala jud ko sa maayong pamati karong adlawa. Nihubag ang akong pharynx, mura ko’g kahilantanon. Tungod ba kaha ni sa akong paglaroy-laroy niadtong niaging “long weekend”? O tungod ba kaha ni kay nahurot akong kwarta sa paglaroy-laroy? Hayyy ambot wala na ko kasabot, mouli nalang kaha ko karong taod-taod.. Wala gyud koy ganang mamotbot ron. Pero sa dili pa nako i-shut down ang akong computer, suginlan ko una kamo kabahin sa akong paglaag-laag.

Unang destinasyon namo – Manaoag, Pangasinan. Niadtong niaging semana, ang plano ra gyud unta namo sa akong pangging, mosimba lang sa Manaoag. Apan sa dihang niingon ang iyang kuya nga mokuyog siya, daghan na kaayong plano. Maayo nalang gani kay sweldo nako niadtong Sabado. Byernes sa gabii, na finalize na namo ang among plano. Pagkahuman namo’g simba sa simbahan sa Manaoag, modalikyat nalang sad kuno ‘mi sa Hundred Islands. Pero yuna pa, usa-usahon nalang ni nako ha para dili mosamot kasakit akong ulo?

Pag-abot nako sa balay niadtong Biyernes, ako nang gi-andam akong mga gamit para intawn nga sure ko nga walay makalimtan. Pagkahuman nako’g pangandam, nagpahiluna nasad ko sa akong higdaanan para makatulog og kadiyot kay sayo raba kaayo mi manggikan. Apan wala jud ko nakatulog kay saba kaayo ang tv. Nagtan-aw og tv si ate, akong giingnan nga pahinayan gamay kay matulog na ko, tuod man iyang pahinayan pero unya’g kataod-taod pakusgan nasad. Sus, wala jud koy tulog niabot nalang ang alas dose. Naligo nalang ko. Nigikan mi sa balay, ala-una sa kadlaw’n – adlawng Sabado. Pag-abot namo sa terminal sa mga bus padulong sa Manaoag, Pangasinan, alas 4 pa kuno sa bunta’g ang skedyul sa bus nga molarga paingon sa Manaoag. Mao diayng pwerteng katulog sa mga pasahero sa waiting area sa terminal.

Nangita nalang mi og laing terminal sa Cubao, og tuod man nakasakay jud mi. Wala gihapon ko katulog sa bus kay kuyawan biya ko kay pwerteng kusoga magpadagan ang driver. Dangog biya kaayo ang karsada kay nag-uwan man. Maayo nalang gani kay naabot jud mi sa among destinasyon.

 

Nangayo ko’g Baktin~!

Nanawag ko gabii sa akong pinalanggang Nanay kay gimingaw na intawn ko. Dugay-dugay sad to among istorya oi hapit gud nahurot akong giload nga 300. Pero kung dili pa to Globe-Globe, kuwang ra gyud to among istorya ni Nanay. Maputol siguro ang among panag-chika. Sa uwahing bahin sa among chika, nahisgutan ni Nanay nga hapit na kuno manganak ang iyang usa ka anay (baboy ha dili kanang peste sa haligi). Nalipay sad intawn ko. Niingon ko ni Nanay nga pwede ba ko mangayo og baktin unya’g manganak na iyang anay. Nitubag sad akong Nanay, “Naa diay kay kaugalingong eroplano para madala nimo diha sa Manila?”. Pilosopo sad akong Nanay dah mura’g si Mommy Elvie, katong inahan ni Ariel sa ABC 5 bah nga pwerte sang sipata. Busa ako lang gipasabot ni Nanay nga kung pwede, ipabuhi lang sad nako niya. Niingon si Nanay, “Aw, oo uy. Kanindot naman ana nak ah nga mura’g naa jud kay plano nga makatigom! Unsa man nga baktin, butakalon o anayonon?”. Ako sang gitubag si Nanay, “Babaye lang Nay kay anayon nato. Ako lang ang bahala sa kan-onon. Kung manganak na gani, tunga man ta sa ginansya!” Mura’g nalipay sad akong Nanay nga nakadungog. Niingon siya, “O sige dong, yawat nalang mapun-an ang imong gitigom para kung maminyo ka naa kay magamit.” Unya mura’g naay nahuna-hunaan akong Nanay, “Unya dong, kung puro lalaki ang mga baktin?” Nitubag sad ko, “Ah, syaro man sa’g walay bayot ana nila. Ato lang bangagan gud, himu-an nato’g lungag para mahimong babaye!” Pwerteng bahakhak og katawa sa akong inahan. Mura’g nindot kaayo paminawon ang katawa sa akong pinalanggang Nanay. Niingon siya, “Kurimaw man jud ka nak oi. Na hala sige, matext lang nya ko nimo kung nanganak nah. Tawag nalang unya’g usab kay basin mahurot na imong load. Ayaw pag-usik-usik sa imong load kay lisod kaayo ang kwarta karon.!” Niingon lang sad ko, “Okay ra Nay oi, dili man usik kung ang mga mahal nako sa kinabuhi akong gigastohan og load.” Nitubag akong Nanay, “Salamat sa pagtawag Nak. Bahbye. Pag-amping mo diha ni ate nimo ha? Ayaw kalimti akong pahimangno nimo, likay gyud sa showbiz!” Wala ko motingog dayon kay naghuna-huna sad ko sa gi-offer sa Hollywood nako bah. Niingon akong Nanay, “Nak? Promise nako ha?”……… “Oo Nay, yaw kabalaka ana!”

Pagkahuman sa among istorya ni Nanay nagreload dayon ko kay gamay naman lang akong load. Basta below 500 na gani ako load, magreload man dayon ko. Waaaaahahahahaha, nagpungasi biya akong botbot oi….

Paryente namo ang Baka~!

Nahimuot lang ko samtang nagbasa ko sa mga posts ni weng nga nag-uluhan og Sayop Ba Ang Mahigugma Sa Usa Ka Ig-agaw?

Parehas sa amo-ang probinsya, mao sad kini ang balaod sa katiguwangan nga hangtod karon bug-at pa gihapon kaayo og bili sa nauna nako’g gamay nga henerasyon. Ang akong mga ig-agaw intawn nga nagdako sa urban nga lugar, unya’g mobakasyon sila sa amo-a maminghoy nalang intawn. Naa man gud ko’y usa ka ig-agaw nga naa nagdako sa dakbayan sa Sugbo. Bakasyon og piyesta to sa among lugar niadtong tungora, nikuyog nako akong ig-agaw (1st degree) sa bukid kauban sa iyang mama og duha pa niya ka mga igsoon aron sad kuno siya makatilaw og tahong nga gikan sa bukid. Napul-an naman kuno siya sa mga takubo nga naa sa syudad.

Usa ka gabii niana samtang ang ubang mga kabatan-onan pwerteng kisi-kisi og sayaw sa diskohan, didto sa daplin nga ngit-ngit kaayo nag-istoryahanay ang akong ig-agaw og ang usa ka dalagita nga nagdako sa among baranggay. Pwerte kuno niyang isplikar sa babaye kay gahi kuno kaayo payango-on. Og tuod man nagkauyab jud ang karaho, giti-onan siguro to’g kutsilyo. Pagka-ugma niana sa buntag, maoy akong namat-an nga gikasab-an sa akong iyaan ang akong ig-agaw kay nganong iya kining gipanguyaban nga paryente ra man kuno ni namo. Hasta gani ko wala ko kabalo ana. Sus, sa tantong subay, paryente jud diay kuno pero layo na intawn kaayo to oi. Wala nalang motingog akong ig-agaw, nitutok nalang siya sa baka nga nanibsib sa daplin sa among darohan. Samtang nagyawyaw pa ang iyang mama, gipangutana akong ig-agaw, “Ayaw ko’g talikdi. Ari tan-aw nako, ayaw anang baka. Mag-istoryahanay una ta!”. Nitubag sad intawn akong ig-agaw, “Hasta ang baka, paryente sad na nato?”

Kapamilya VS Kapuso

Mao kini ang duha ka higanteng estasyon sa kahanginan ang naglumba nga maoy mahimong numero uno sa mga mata sa publiko. Karon mangutana ko, Kapamilya ba mo o Kapuso?

Sa akong bahin, usa ako ka solidong Kapamilya. Dili man sab sa ingon nga naa ko’y kayugot sa pikas nga estasyon. Ako lang nasuta nga mas daghan og pagtulun-an ang mga gipasalida sa ABS-CBN kaysa pikas og para nako, mas propesyonal modeliver sa ilang mga linya ang mga hosts og artista, scripted man o dili. Nganong nakaingon ko ini? Pwes, sugiran ko kamo hehehehehe!!! Apan sa dili pa nako isubay kaninyo ang akong nabantayan, ato unang ihatod kining mga pahinumdum. Ay, ayaw nalang kay wala ko bayari nila..

Nakahinumdum pa ba kamo niadtong nahitabong trahedya sa unang anibersaryo sa programang WOWOWEE? Daghan kaayong nangamatay. Tinuod, usa sa mabasol nato ang tigdumala sa maong programa tungod kay sila ang hinungdan nganong gidumog sa libo-an nga mga pobre natong mga kaigsoonan ang, taympa nakalimot ko asa to gidumala, usa ka stadium sa Pasig. Apan ang tumong sa nahisgutang programa para lang mamahin og grasya isip sukli sa gihatag nga suporta sa mga tawo og dili nila tumong nga paadto-on sila sa lugar diin didto ipahigayon ang maong anibersaryo aron maghinut-anay, magdinuotay, magyatak-yatakay hangtod nga mamatay. Kinsa gud intawng buanga ang maghuna-huna og ingon-ana? Apan sa pikas estasyon, nihirit sad si Joey de Leon og nibuhi og ngil-ad nga pulong. Imbis nga i-ampo nalang ang mga namatay og moduyog sa ilang karibal nga estasyon aron makighi-usa isip usa ka katilingbang Pilipinhon, asus, gibundakan pa kini’g binugok nga mga pulong. Propesyonal ba na? Naa pay Richard Gutierez niambit pa gyud, niingon pa gyud nga “Diri nalang kamo sa among programa kay walay dinuotay diri, organisado og husay ang among pagdumala!”

Ang ganahan nako sa ABS-CBN, labi na ang kababayan nato sa dila – ang usa ka Bisaya og banggiitang talkshow host nga si Boy Abunda. Limpyo kaayo modeliver sa iyang linya. Mao ni ang akong paboritong mga pulong nga akong nadunggan ni Tito Boy, “I believe in a healthy competition!”. Ay showbiz ka yadz! Sigun sa akong nahinumduman, wala pa ko kadungog ni usa sa mga talents sa ABS-CBN nga nibuhi og law-ay nga mga pulong batok sa karibal nilang estasyon. Nahimuot lang ko naghuna-huna sa dihang nakatan-aw ko og programang Going Bulilit sa dos, ang mga bata ra gyud intawn ang makapatay sa rating sa pikas estasyon. Gani, gisuwayan kini pag-suon sa Kapuso station, nagbuhat sad sila’g programang Bubble Gang Jr. apan wa epek. Namatay lang dayon ilang programa.

Lain pa’ng aspeto nga dili nako ganahan sa pikas estasyon, hapit tanan nilang gipasalida sa primetime, puro nalang intawn “fantaserye”. Unsa, mga bata lang ang ilang gilingaw? Dili man sab siguro tanan, isip-bata ang mga tawo? Nagpahigayon sila og Star Struck apan naluoy intawn ko sa mga batan-on pang mga babaye nga niapil sa Star Struck kay sa kalinghod pa intawn sa ilang huna-huna, gitudlo-an na sila pag-atubang sa camera nga revealing ang gisul-ob kay kuno sila ang umaabot nga mga MAGAZINE COVER GIRLS. Susmaryosep! Gitudlo-an na sila nga magkinan-anay sa ilang mga ngabil (lips to lips bah!) atubangan sa camera! Susmaryosep, nakahuna-huna nalang ko nga unya’g uli kaha aning mga bayhana sa ilaha, irespeto pa kaha ni sa mga lalake labi na ang mga estambay nga maagi-an nila? Mga batan-on pa biya ni sila, pero hinuon, ang ilang lawas pwede na nakong testingan ahehehehehehehe. Pero naa sad biya’y niapil nga bata pa kaayo jud bah.. Mohilak pa man gani siguro to kung tublon. Ihi pa man siguro’y mogawas ato! Naa pay Mike Enriquez, exaggerated o sobra ra ka O.A. modeliver sa iyang linya. Susmaryosep!

Pero ang akong pinakapaboritong balita nga nagbani-og karon sa kalibutan sa showbiz, mao ang pagbalhin ni Angel Locsin sa dos. Waaaahahahaha, Angel, oh Angel, dugay na tikang gihuwat. Usa intawn ka ka-ordinaryo nga tawo og dili ka superhero nga naay gahum. Sakto na siguro to ang imong paglupad hehehehe. Nitan-aw ko og Deal or Ordeal este, Deal or No Deal niadtong Lunes sa gabii og si Angel Locsin ang ilang celebrity player, niingon si banker nga “Welcome to ABS-CBN! Isa ka nang KAPAMILYA. Ang pamilya hindi pwedeng palitan pero ang puso pwedeng i-transplant!” Waaahahahahahaha. Sakto ka banker, sakto ka.. aw sakwan diay kay ikaw ra usa.

Usa sad sa ganahan nako sa ABS-CBN, dili puol ang mga artista nga mogawas sa primetime. Mura’g ila gyung gihatagan og higayon ang ubang artista nga maka-arte. Dili pareha sa Kapuso nga nagbalik-balik lang ilang mga artista sa primetime. Puol kaayo intawn. Maluoy nalang ko sa ubang talents nila mura’g maghuwat nalang nga dili na sikat si Richard Gutierez, o bisan kinsang mananap nga nigawas sa primetime aron mamasin nga sila nasad ang maka-arte. Pero sa Kapamilya, gituyok-tuyok nila ang ilang mga artista. Dili sad puol tan-awon ba nga pagkahuman sa usa ka-teleserye nga gibidahan ni Juday, lain nasad ang bida sa gabii og dili na si Juday. Moabot pa siguro og usa o duha ka tuig una pa makabalik si Juday. Haayyy showbiz!! hehehehehe

Busa ikaw batang buotan, Kapamilya ka ba o Kapuso? Kamo?

Ako biya sa tinuod lang apan botbot, daghan kaayong nagsige og hasol nako aron lang mag-artista. Pero ako gyung gitanom sa akong alimpatakan ang gibilin sa akong nanay sa paglarga nako paingon diri sa Kaulohan. Mao gyud ni ang gisulti sa akong nanay, “Kung tu-a na gani ka sa kauluhan dong, pag-amping jud intawn. Ayaw og pataka’g laroy-laroy kay basin madiscover nya ka. Tago-tago jud intawn og ayaw panumbalinga kanang mga sugyot nga mag-artista ka kay ila lang kining gamiton ang imong talento aron mosikat ilang estasyon!” I love you so much, Nay! Salamat sa imong pahimangno og isaad ko nga dili ko ikaw pakyason!