Manyika Ni Gamayng Juan

Nagtu-o jud ko’g nagbinut-an na sa hingpit si Gamayng Juan apan sayop ang akong pangagpas. Usa man gud kahigayon nag-away og maayo iyang mga ginikanan og wala kini mauyoni ni Gamayng Juan. Pagka-ugma samtang nihugpa na ang tensyon sa iyang mga ginikanan, niyamar si Gamayng Juan sa mama nga magpapalit og pusil.

“Ma, palete ra gud ko’g pusil kanang tinuod ha kay pamusilon ta mong duhang papa! Sige lang mo’g away dah!”

“Uy ka bad nimo anak oi. Yaw pag-ingon ana anak!”

“Aw, manyika nalang ma!”

“Hah? Lalaki man ka nganong manyika man? O sige, unya’g uli nako sa hapon dad-an tika’g manyika!”

“Pakapini og dagom ha kay barangon ta mong duha ni papa!”