Utro sab diay~!!

Yahoo!! Maayong buntag Pilipinas, maayong gabii America, og maayong pagpanga-on mga bitokon. hehehehe joke lang ha. Basin magrally dayon mo sa Mendiola o sa Fuente Osmeña Circle hehehehe. Wla na kaayo ni nako natagad kay nalingaw man gud ko sa akong laing mansion. Usa pa, busy sab ko og pirmi lang sab ko masakpan ni boss-amo-agawn-manager nga mag-internet. Saon naman lang ni oi.

Gabii diay nagkatagbo mi ni Gamayng Juan. Gikan ko naghatod sa akong pangging, siya sab gikan sa hospital kay na-admit intawn iyang mama. Naa man gud siya’y gisumbong sa iyang mama mahitungod sa kalaki sa iyang papa maong na-ospital intawn ang makalolooy niyang inahan. Mao kuno ni ang nahitabo ay……

Gamayng Juan: Ma, nasakpan nako sila si papa og si mam tikya didto sa kakahoyan.

Mama: Ha? Unsa ilang gibuhat didto? Imo bang nakit-an ang tanang nahitabo?

Gamayng Juan: Kita mo lang!! Pag-abot nila didto, nalibang man ko ato nagpatong ko sa sanga sa bayabas. Unya saba man kaayo si Bantay nga naghangad nako sa ubos nga maoy tig-sawo sa akong tae, ako unang gi-utong og maayo para makakaon si Bantay unya dili na magsige og saba.

Mama: Maayo nga imong napahilom si Bantay. O unya unsa’y nahitabo?

Gamayng Juan: Pag-abot nila didto ma, gihagkan dayon ni papa sa lips si mam tikya. Unya gihubo ni papa ang pang-itaas nga gisulob ni mam tikya. Dayon gilangkat ni papa ang bra ni mam tikya ma nabugto gud ang garter, mura jud og uhaw kaayo si papa ma bah. Unya ang paghalok ni papa ma padulong na sa ubos, naabot sa dughan ni mam tikya. Bisan layo-layo og gamay akong distansya nila ma pero dungog gihapon kaayo ang pag-agoo ni mam tikya ma. Unya gihubo nasad ni papa ang pang-ubos ni mam tikya og gihubo-an sab ni mam tikya si papa. Unya nagligid-ligid silang duha, maayo nalang gani kay wala maabot sa akong tae. Dayon si mam tikya na sad ang naa sa ibabaw, gihagkan niya si papa gikan sa taas hangtod sa ubos. Dayon nipa-

Mama: Sakto na Gamayng Juan. Unya na na-itiwas kung maabot na imong papa.

Nikalit og abli ang pultahan.

Mama: Animal ka! Pisti kang inataya ka! Gamayng Juan, isulti sa imong maayong laking amahan ang imong nakit-an didto sa kakahoyan!!

Gamayng Juan: Nakit-an nako sila si papa og mam tikya didto sa kakahoyan ma naghinagkanay. Dayon gitila-tilaan ni papa ang dughan ni mam tikya ma. Pagkataod-taod, gihubo-an ni mam tikya si papa. Gihagkan sad ang dughan ni papa, hangtod nipatong na jud si mam tikya ma og og og og.. gigigi-gunitan ni mam tikya ang luso ni papa ma kay iyang gisulod sa iyang bisong dayon pwerte nang langasa ni mam tikya. Pareha jud sa inyong gibuhat ni Uncle Jerry ma ba kadtong naa pa si papa sa Dubai!

Gi-atake intawn sa kasing-kasing ang inahan.

Mao diay to ang nahitabo maong na-ospital ang mama ni Gamayng Juan. Taod-taod sad biya mi nag-istoryahanay ni Gamayng Juan gabi-i. Ako lang siyang giunongan sa iyang problema ba.

Iho Sa Pasig River~!!

Samtang nagsakay ko sa jeep padulong sa Guadalupe – Ilalim, natrapik mi’g kadiyot sa J.P. Rizal pa lang dili pa layo sa Rockwell. Unsaon nga pwerte mang daghanang mga tawo nga naglaray og nagkaguliyang samtang nagdung-aw sa Pasig River. Maong apil ang mga driver, nagpahinay na lang sad sa dagan kay tsismoso man sad. Pastilan, mao diay kay naay iho nga nakit-an nga nalumos…aw ambot kung nalumos ba jud to o hapit lang. Unya naluwas ang iho og gidala sa ambulansya. Pag-agi jud sa jeep nga akong nasakyan tungod sa ambulansya og tungod kay hinay lagi ang dagan sa jeep mura’g porlon nadunggan nako ang tabi-tabi nila sa ambulansya.

Binisay-on nalang nako ha kay tingin ko mas-maiintindihan nyo kung bibisayain ko eh [ nangulihad... toooheeee ] hehehehe

Naay usa ka tiguwang, adunahan og porma, niduol sa iho og miingon, “Iho [hijo], unsa’y nahitabo nimo? Unsa may imong gibuhat diha?”

Sus abi jud nako’g iho tinuod, bata man diay. Og mitubag ang bata…

“Namasol ra man unta ko unya nadakin-as ko ba. Maglisod man ko’g langoy kay kusog kaayo ang sulog!”

“Unsa’y namasol? Kinsa man imong basolon? Kinsa may gibasol nimo?”

“Basol? dili oi. Namasol bah, pasol. Kanang nanagat!”

“Uy uy uy ondo, ayaw ko’g korehe-i kay sayop sad biya ka. Dili biya na dagat nga managat ka diha!”

“Aw, nanapa gud kay sapa man kaha na! Galit na U?”

Sus maayo nalang kay nisaylo na mi dapit sa ambulansya. Gabi-i na kaayo ko naabot sa opisina sa akong pangging. Naghuwat ra siya nako didto, gilangaw intawn mura’g tinabal nga nadubok bah. Kaluoy pud, ako nalang gitreat sa Seafoods Island didto namo gipahungaw ang among kagutom. Ugma nalang ang pictures sa among lamoy didto ha kay wala nako madala ang USB cord.

Upa Vs Jerjer

5:30 pa lang, naana ko sa balay gahapon. Wala nako sundo-a akong pangging kay naa man silay lakaw mga barkada niya. Dili man sad ko gusto mokuyog kauban iyang mga barkada kay ma-OP unya ko, kung ako sad ang naay lakaw kuyog mga barkada nako, dili man sad siya mokuyog. Ingon ana among relasyon, naa siya’y panahon sa iyang mga barkada, naa sad ko’y akong panahon. Social reponsibility man na namo nga makig-mingle sa mga higala namo, as long as nakahibalo ko kung asa siya og siya sab nakahibalo kung asa sab ko.

Pag-abot sa alas-sais, nagluto na ko og kan-on kay gigutom na ko. Palit dayon ko’g pancit canton parisan og 5 ka buwad. Mao ra to akong sud-an kay gimingaw na ko’g buwad. Lami biya kaayo ning buwad, di ba bai Jerry? Dili lang bingka sa Mandaue ang lami oi, buwad sad lami kaayo. Bisan pa nga pinobre kaayo akong sud-an gabi-i, nagdagayday biya sab ang akong singot.

Apan balik una ta sa pagpalit nako’g pancit canton og buwad sa dili pa ko magluto ha? Nagkatawa ko sa subay sa akong amigo nga mas nauna nako’g palit. Boy Jones may alyas atong tawhana nga bisaya sad, nipalit siya’g Red Horse sa tindahan ni Kuya Nelson. Samtang gihuwat pa niya iyang sukli, nisugilon dayon siya nako…

Boy Jones: “Saba kaayo sa apartment namo maong nigawas ko, palit ko’g Red Horse oi”

Ako: “Ngano diay, unsay okasyon didto sa inyo?”

Boy Jones: “Walay okasyon gud. Naglalis akong asawa og ang asa ni Mang Noli nga nag-abang sa pikas bah!”

Ako: “Nah, bungangera sad raba to!”

Boy Jones: “Nagpares lagi ang duha ka dagko’g baba. Mga dagko sad og kuan. Nagpa-sounds man gud ko sa amo nya napakusgan sa akong asawa, nikalit man lang og singgit tong asawa ni Mang Noli! Pwerte ra bang taasa sa tingog, high pitch kaayo bah. Ingon dayon siya ay, ‘Hoy, tangina nyo wag kayong maingay jan. Alam nyo namang may naka-upa dito sa kabila eh!‘”

Ako: “O, unya unsa say tubag sa imong baba-on sad nga asawa?”

Boy Jones: “Ay wala sad palupig, giingnan sad niya nga, ‘Uy-uy-uy-uy pag-inupahay mo diha’g inyo kay mag-jerjer sad mi diri’g amo, tangina ka!“

Nisaka nalang ko sa balay kay giagda nako’g inom. Dili man sad gud ko ganahan moinom kung naa koy trabaho unya’g ka-ugma. Gibiya-an nako siya didto nga nagtungab-tungab sa iyang Red Horse!

Namotbot lang ko’g kadali samtang wala pa akong boss-amo-agawon-manager!! Maayong adlaw ninyong tanan diha!!

Gidagat~!!

Ang gugma og kalinaw sa Gino-o maana kaninyo!!! Hello Philippines and Hello World!!! Ani-a nasad kita sa ika-ambot-ika-pilang-edisyon-na-ni sa atong PBB Ako ra ang Celebrity Edition.. Dili Pinoy Big Brother ha kundi, Pwerting Botbotona Bai!!

Sa dili kaayo suheto o sweto sa pinulungang binisaya, ang titulo karon sa akong botbot kung kamao man gani mo mobasa, mao ang Gidagat. Ang buot ipasabot nianang pulonga, nga kanang malipong ka og kasuka-on. Namugna kining pulonga niadto pang tuig nga wala pa matawo ang mga Lolo sa atong mga Lolo. Naa man gud kuno’y usa ka bisdak nga naka-imbento og sakayan o baruto nga iyang gigamit aron pagpanagat. Og sa iyang pagpanagat, dagko man kaayo ang bawod o balod, nalipong intawn ang mananagat og nagsige og suka. Pag-uli niya sa ilaha, gipangutana siya sa iyang asawa nganong nangluspad siya og dali-dali kining nitubag….“hay dah, gidagat ko!”

Og diha namugna ang pulong nga gidagat. Mangutana mo nganong nahisgutan nako kining pulonga? Sus, kini man gud si Gamayng Juan nagtext nako gabii. Nagpakasal man diay kuno siya sa iyang hinigugma niadtong niaging adlaw. Nahigugma jud siguro si Gamayng Juan atong bayhana kay bisan pa nga naay apan ang babaye kay bakol man lagi, iyaha man gihapong gipakaslan. Apan iyang giuli ang babaye sa mga ginikanan niini gahapon lang sa udto. Mao ni ang pangsukli-ay namo og mga pulong ay:

Dili biya ni nagpasabot nga nagyaga-yaga ko sa atong mga igsoon nga naay ingon-ani nga deperensya ha. Pawagtang lang ni sa stress gud kay nataranta pa ko diri og pangandam sa akong programs og database..

Gamayng Juan: Bai, kumusta diha? Naa ko karon nagyampungad sa imnanan. Naguol ko og nagbasol nga akong giuli akong asawa.

Ako: Nagpakasal diay ka bai? Kanus-a man? Nganong imo mang giuli imong asawa?

Gamayng Juan: Oo, nagpakasal mi niadtong miaging adlaw. Pero akong giuli oi!

Ako: Ngano man? Unsa’y problema?

Gamayng Juan: Abi man gud nako kung dili ra maka-apekto nako ang among pag-ipon bisan pa man bakol siya. Apan kung mag-sex mi, magtuwang-tuwang man gud ko! Gidagat ko oi!!

Natuk-an gud ko sa akong laway samtang nagbasa sa iyang reply!!

Dahhh…Kapoy!!

Hayy, maglisod na man ko’g lusot diri oi. Busy pa kaayo ko’g pangandam. Oct 24, molupad na ko padulong sa Nestle CDO. Ambot hangtod kanus-a ko didto. Pero maayo unta kung dili maabtan og Christmas. 3 diay mi kabuok didto magkuyog oi, ako, ang head sa automation og ang akong boss diri nga dili jud magpabiya nako. Pirmi lang jud ko bantayan ani niya. Pirmi sad ko sakpan mag-internet. Ambot naa man kaha ni’y pagtan-aw nako ai. Pagklaro diha sir ha? Hayyyy o sige, diri nalang sa ko kutob kay gikutasan pa ko. Mao pay pag-abot nako diri sa ofis. Mangayo sa ko’g kape sa vendo machine!! Maayo to didto sa vendo machine, maski wala kay ihulog nga kwarta makadaog gihapon ka’g kape..!!

Ang baws ni Lory

If you will win the contest, why?

Mao ni ang pangutana nga nagtangag og tae, aw dakong gante diay! Sus, si Lory mobaws jud. Unsaon naman lang ning pangutanaha nga dili man ni matawag og, sa iningles pa, “sentence”. Diba mam Lory, a sentence is a group of words which expresses a complete thought? Susmaryosep, bisan unsaon nako’g kalkal akong utok maglisod jud ko’g tubag. Bugoy-bugoy man ni imoha mam Lory oi. Asa naman ang hustisya ani? Maru-maru ka dah para lang makabaws hahahahaha. Tubagon nalang sad ni nako’g kinalog oi.. hahahahaha

If I will win the contest, because I am very handsome (ohhh pretentious bastard!). Unsaon man jud ni pagtubag ha!! Ahh, bahala ka mam Lory, ako jud ning i-reconstruct imong pangutana. Og mao ni ang ninanoktok sa ganghaan sa akong alimpatakan:

If you will win the contest, do you consider yourself as the most handsome guy and why?

Huh, saperns!! Naa mo anang pangutanaha? hahahahaha

Salmo responsoryo ang akong tubag mao kini:

Absolutely yes! I consider myself as the most handsome and unique because I am the most pretentious-shameless-stupid kid around. Magbuot mo kung akong gi-usab ang pangutana? Magbuot mo kung mao ni akong tubag? Kamo bay gwapo lalim ba? Kamo bay botboton lalim bah? Haaayyyy, nagsalimu-ang uroy ko aning pangutanaha..

O kani beh, ako ning ipatubag ninyo.. Ako nalang tingbon tanan ha.. Tubaga ni akong mga pangutana ha? Para ni sa tanang mobasa ani….. hehehehehe

“If a man with no arms has a gun, is he armed?”
“If a turtle has no shell, is it homeless or naked?”
“If they have calculated the speed of light, so what’s the speed of dark?”
“Why are they called restrooms if you don’t rest in them?”
“Why are they called apartments if they all stuck together?”
“Why do they use sterillized needles for lethal injections?”
“If a mute swears, does his mother wash his hands with soap?”
“Who closes the door after the bus driver get’s out?”

“Who suggested the suggested retail price?”

Og ang pinaka last nga pangutana..

Kinsa ang nagpatay sa pari sa Cordova?

Religion Class ni Gamayng Juan

Sa dihang nauli si Gamayng Juan gikan sa iyahang “Religion Class”, nangutana iyang mama kung unsay gisugilon sa maestra niini nga gikan sa Bibliya..

Mama: O anak, kumusta imong Religion nga subject?

Gamayng Juan: Gisuginlan mi ni mam ma mahitungod sa pagsugo sa Gino-o kang Moises aron iluwas ang mga Israelitas gikan sa sundalo sa Ehipto nga naggukod kanila. Lingaw kaayo ko naminaw ma!

Mama: O unya, unsa may imong nakat-onan? I-sugilon kuno nako be, tan-awon nato kung naminaw ma jud ka?

Gamayng Juan: Gigukod sila si Moises uban ang mga Israelitas ma, unya sa dihang naabot sila sa Red Sea, wala na sila’y ka-ipsotan, gisugo dayon ni Moises ang iyang mga engineers aron magbuhat og taytayan para makatabok sa pikas pang-pang ang mga Israelitas. Pagkahuman sa taytayan, nilabang dayon silang tanan og padayon pa gihapon silang gigukod sa mga sundalo. Ni-radyo dayon si Moises sa headquarters gamit ang iyahang walkie-talkie para magpadala og reinforcements. Og tuod man nagpadala ang headquarters og bombers aron maguba ang taytayan og mangalumos ang mga sundalo sa Red Sea og dili sila makalabang.

Nangluspad ang mama ni Gamayng Juan.

Mama: Mmm-mao na ang gisulti sa inyong maestra?

Gamayng Juan: Dili, pero kung akong isugilon pareha sa pagsugilon sa among maestra, kabalo man ko nga dili ka moto-o kay mga bata biya mi nga iyang gisultihan.

Ningaab ang mama ni Gamayng Juan!

Nicotine

Nagkuyog ang 3 ka badlongon nga bata, si Gamayng Juan, Tom og Jerry. Samtang naglakaw sila gikan sa eskwelahan, nag-isihay na’g pahambugay ang 2, si Tom og Jerry. Mapasigarbohon kaayong ni-anonsyo si Tom nga grabe kuno ka maayong laki iyang papa samtang nagpaminaw lang si Gamayng Juan.

Tom: Kanus-a pa kaha to mouli si papa. Gimingaw na ko niya. Bilib ra ba jud kaayo ko sa akong papa bai. Diba nag-discuss si mam ganina mahitungod sa Sahara desert?

Jerry: Oo, ngano diay bai?

Tom: Si papa ang namutol sa mga kahoy didto!

Jerry: Ah, kuyawa sad diay gud. Pero akong papa bai nauli na gahapon!

Tom: Diin man diay gikan imong papa bai?

Jerry: Sa trabaho. Diba si nadiscuss naman sad nato ang mga oceans no? Pacific Ocean, Indian Ocean, Atlantic Ocean, Arctic Ocean, og Antarctic Ocean no? Si papa ang nagkawt ana! Siya man gani ang naghimo sa Panama Canal!

Nakakatawa si Gamayng Juan.

Jerry: Nganong nakakatawa man ka bai? Bilib ka sa akong papa no?

Gamayng Juan: Sus, nagkatawa lang ko sa abilidad sa inyong papa. Puro man na botbot inyoha! Maayo lang mo sa hambog. Ang akong papa tinuod jud nga grabe kaayo iyang kalaki!

Tom & Jerry: Nga-nga-nga-ngano di-di-dddiay bai, unsa diay ang nahimo sa imong papa?

Gamayng Juan: Aw, simple ra biya. Kuan ra gud, kung manigarilyo siya sa lubot niya ipasok ang sigarilyo!

Tom & Jerry: Bi-bi-binuang diha bai oi. Kita ka?

Gamayng Juan: Aw wala sad nuon ko kita pero akong nakit-an iyang brief naa may nicotine nipilit!!!

Lingaw-lingaw namo gahapon!!

Good morning ladies! Hello Philippines and hellow world! Naana na sad ta sa ika-dili-na-nako-maihap nga yugto niining akong pagpamotbot. Hinaot nga nakapanudlay na mo mga mujer, kabalo ko nga ang uban ninyo gadali-dali kay hapit na malate. Siguro ang uban ninyo gipaningot pa pag-ayo. O sus, nagdagayday gud sa bugan ang singot!

Ako unta’ng isugid ang mga malipayong gutlo sa among kinabuhi gahapon atol sa pagsaulog namo sa akong pangging sa ika-duhang tuig nga anibersaryo sa among pagminahalay, dili pagminahayay ha, minahalay, apan dili nalang kay dili nako gustong un’han si Tito Boy Abunda. Nahibu’ng mo noh nganong naghisgot ko ni Tito Boy? Niadtong niaging Biyernes, giimbita na mi daan ni Tito Boy nga mag-guest sa Boy & Kris nga talk show og nangutana siya kung kanus-a mi makahigayon kay naa sad raba mi’y panginabuhi. Ako siya’ng giingnan nga sa Oct. 9 nalang. Og misugod na ang pagka-chikadura ni Tita Girl, este Tito Boy, ingon dayon siya, “Unsa may significant anang adlawa?” Ako lang sad siyang giingnan, “Sa Oct. 9 na nimo mahibaw-an Tita kay kung tubagon nako karon, wala pa biya koy bayad ani!” Ingon sad si Tito Girl, “Maru-maru jud ka dong ay!” Nisagbat sad si Kris, “You know, ang gwapo mo talaga! Ba’t ayaw mong mag-artista?” Nitubag sad ko, “Binubola mo naman ako eh!”. Dali-dali sang sagbat ni Kris, “Bakit naniwala ka naman!?”

Kabalo man siguro mo noh nga bisaya sad na si Tito Boy? Nindot sad kaayo siya ika-storya oi. Nindot sad kaayo ang dagan sa interview nilang duha ni Kris gahapon sa taping nga Boy & Kris. Pero dili kaayo ko ganahan ni Kris kay kusog kaayo mambara og istorya, kanang mokalit lang og singit bah. Anyway pagkahuman sa taping, modiritso na unta mi sa akong pangging sa among laaganan kay syemper, mag-date2x sad mi oi. Apan nikalit man og nga-ab akong cellphone. Naay nagtext. Wala ra ba ma-register ang number sa phonebook maong wala ko kabalo kung kinsa ang nagtext. Yuna pa akong basahon pag-usab ha..

“-Asa man ka? Reply sad oi.
ganiha ra ko naghuwat nimo.
naa ko sa abs-cbn,
taping nato ron sa teleseryeng PANDAY
pagdala og martilyo, lansang og gabas
kay magkoral ta!

- Gamayng Juan”

Pastilan, pagkasipat jud. Si Gamayng Juan ra man diay. Naa diay siya’y bag-ong numero. Hayyy.. Kung gusto mong motan-aw sa TV guesting namo sa akong pangging sa Boy & Kris, i-air na kuno to nila ugma ang among episode! Oo, nah, bahala mo oi kung dili mo motu-o.

Naglaroy-laroy lang mi sa akong pangging gahapon pagkahuman sa among taping. Sa kinatibuk-an, super-enjoy jud ming duha gahapon yadz! Nahala, magsugod na ko’g trabaho ha. Nagsakit pa biya ni akong kalawasan ay mura’g gipamaulan. Magpamasahe unta ko ni bai Jerry apan mura’g maikog man gud ko kay nagbagutbot pa ra ba to sa mga inutel nga proyekto sa gobyerno! Nanghambog ra ba to nga pwede na kuno nakong ibadlis-badlis sa ilang karsada ang akong Toyota Innova. Mura’g nakauyon ko da, pero ang gusto nako’ng ibadlis-badlis sa ilang karsada katong akong “TANKE DE GIRA”. Mas maayo to kay bisan sa layo pa nagdahunog na ba! Maayong adlaw ninyong tanan oi. Og hinaot nga magkapuliki mo’g sagang sa mga grasya nga inyong madawat gikan sa Kahitas-an! Share lang mo ha!?? Ayaw pag-hinakog!! Masuko si Jah ana..

Tubaga ang akong Pangutana

Naa man diay gihatag nga assignment sa ako si Darlene niadtong niaging Biyernes. Sus karon pa jud nako mabuhat ni. Pwede pa man siguro ni i-submit akong assignment bahala’g late na. Ok lang kung hatagan lang ko’g grado nga 3W ni Mam Darlene hehehe.

Mao ni iyang gihatag nga assignment nako ay. Aktwali, dili lang kay ako, apil man to sila si Ivy, Bai Jerry og si Ramses. Hala, nindot lagi na’g pangalan ang naulahi ai – Ramses. Mura man og taga-Ehipto. Ramses, the one time phaoroh of Egypt. Siguro gwapo jud na. Ngalan pa lang daan oh, mura ko’g mabayot. Aaaah, sigurado jud ko nga gwapo na si Ramses. Nahala, padayon nalang ko sa akong assignment. Gipangutana ko ni Mam Darlene. Og mao kini ang iyang pangutana…

If you will be given a chance to be an animal for a day what would you be & why?

Sus, nagkabuli-buli uroy ko’g huna-huna kung unsa akong itubag. Pero mao ra man ni ang nakab-ot sa akong pobreng utok oi. Gusto ko nga mamahimong langgam nga “sayaw”. Bai Jerry, unsa gani iningles sa langgam nga sayaw? Humming Bird ba to? Ah basta, langgam nga “sayaw” akong gusto dili lang for a day, but for the rest of my life. Kung akong huna-hunaon, unsa kaanindot nga maglupad-lupad og makig-duwa sa hangin diin wala kay gihuna-hunang mga problema. Carefree ka ba. Nabantayan man gud nako aning mga langgama, mura’g walay pahuway. Sige lang og kapa-kapa bah. Kiat pa jud kaayo molupad. Basta, sabot lang jud ta daan, ayaw biya ko tiradora ha?

Og kay ang balaod man gud kuno aning duwa-a kay unya’g human nimo’g tubag maghimo sad ka’g imong pangutana og imong pasa sa uban. Og ang akong pangutana mao kini:

If swimming is good for your figure, how do you explain whales?

Ako ning ipatubag sa akong mga girl friends diri. Mura’g maglibog sila, basin malain sila nako dah. Para ni sa mga amiga nako (Syemper babaye, amiga gud!). Tubaga Weng, GFD, Lory, og Mam Tikya!