Suwat Tampo
Sa bugtong tuyo nga ako maka-alagad kaninyo, ani-a akong gituyo pagmugna kining usa ka tulumanon nga maghatag og kasolbaran sa tanang klaseng problema nga inyong gisagubang. Ipadala lang inyong suwat sa inyong tagsa-tagsa ka kinabuhi nga gilibotan sa mga problema. Sa pagkahimugso ninyo (wala ko’y apil) niining kalibutana, gikaluhaan na kamong daan sa mga suliran. Apan adunay suliran nga dili nimo mapas-an nga ikaw ra. Nagkinahanglan ka’g kaabag sa pagsolbad niini. Nagkinahanglan ka’g kahayag aron moiwag sa mangitngit mong dalan. Nagkinahanglan ka’g usa ka botboton nga mohupay sa nahasol mong tanlag.
Tungod usa man ko ka abogado, pinasikad sa traysikad balaod nga naghatag nako’g gahom aron sa pagtubag sa mga tigmo og mga tanghaga nga nagpaluyo og nagtangag og mga kahibulungan og talagsaong kasolbaran sa inyong mabug-at nga gipas-ang mga problema, ikapasalig ko nga mahatagan kamo og kalinaw og kasolbaran og malamdagan ang inyong gubot nga huna-huna aron sa pagpadayon sa pagbaklay niining dalan sa kinabuhi.
Og tungod usa man sab ko ka-doktor og dili konduktor, akong ikapasigarbo kaninyo nga mahatagan kamo’g tambal sa nagkalain-laing mga sakit nga inyong giantos sulod sa mga niaging katuigan.
Og tungod kay usa man sab ko ka propeta, ako kamong mahatagan og mga pahinumdum aron inyong malikayan ang mga dili maki-angayon nga mga panghitabo.
Ipadala lang ang inyong mga suwat tampo pinaagi sa pag fill-up sa mga kahon nga naa sa ubos isip usa ka komento og ako kining hatagan og kasolbaran og ibutang ngadto sa akong “main page”. Aron dili kamo maglisod, ani-a ang hamubo nga pasundayag este sampol sa pagsuwat.
“Dear Atty. Dr. Propetang Botboton,
Itago lang ko sa kahon pangalang Tikya, hingkod ang panuigon og nagpuyo sa kinapusorang baranggay sa lungsod sa Naga. Usa ako ka dalaga, putli og ulay, og nagsugod ang akong problema sa dihang nag-edad ko og onse sa dihang dalaga na ako. Ang akong mga amiga nga parehas nako og edad hingpit na sab nga dalaga, akong namatikdan nga namukol na ilang dughan apan ang ako wala pa. Sa dihang nag-edad na kami og baynte, ilang mga totoy mura na’g kapayas apan ang ako-a mura lang gihapon og matag-tiki. Naibog kaayo ko sa ilaha ilabi na sa panahong manuroy kami sa SM og Ayala unya mamalit sila og bra samtang ang akong gipalit band-aid lang intawn.
Atty. Dr og propeta, tabangi og tambagi ako. Kini ang akong suliran.
Imong magtatampo,
Tikya”
Mga kaigso-onan ko, ayaw kamo kauwaw og kaikog nga mangayo’g tabang sa inyong mga suliran. Ipadala kini dayon sa dili pa ang ulahi ang tanan. Magpaabot ko sa inyong mga suwat tampo.
Inyong ubos nga alagad,
Atty. Dr. Propetang Botboton
16 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1.
batang buotan | August 2, 2007 at 5:29 pm
pwede pod ko magpadala sa akong gihambin nga suliran?
2.
tinuod nga botbot | August 3, 2007 at 7:45 am
pwede.. bisa’g unsa…. hehehehe
3.
cream | August 17, 2007 at 8:50 am
nice kaau imong mga tampo..makalingaw..dili makalaay basahon..maka-relate ko sa akong friend pod..
perti ka si-aw,,..hehehhehe…
4.
mercia | September 6, 2007 at 10:26 am
hi……….pwde mgpahimo ug drama or comical sketch?
pls lng wait ko…esend lng sa ako email add………..
pls…..the best jud mo
dis wek na
5.
aries | September 7, 2007 at 4:01 pm
kung namoblema ko kay wa koy boyfriend, pwede sad na?
6.
Madel Jordan | September 19, 2007 at 5:47 am
hehehe
7.
elsie salutis dagohoy | October 8, 2007 at 10:09 am
ako pod mo apil pod ko….
8.
Tiyoy | June 13, 2008 at 8:26 am
sa sigi nakong basa sa imong mga arikulo(s), makalingaw gyud ang imong gibuhat Doc, Senyor Huwes ug Propeta Botbot…
mao ni akong ganahan nga mga makalingaw sa nagkulismaot tang dagan sa adlaw adlaw nga kinabuhi… naa pay computer nga haskang hinaya gyud molihok… makalagot….
Doc, Senyor Humes, Manalagna nga botboton… naa unya koy tampo ipadangat ha… sa imo…. THANKS HA…
MAAYONG ADLAW KANIMO…. dugangi pa imong BOTBOT
9.
emmie zambrano | July 9, 2008 at 4:53 am
doc,señor,botboton,
lingaw kaayo ko sa imong mga bot-bot.ug lingaw sad ko mobasa sa imong obra maetra.hinaot daghan pa ikaw ug masulat nga makalingaw kaayo.
daghang salamat sa inyong mga botbot.
10.
botboton pud ko | August 15, 2008 at 12:42 pm
hahahha..padala ko sa kong botbot beh
11.
PeArL | September 3, 2008 at 12:57 am
kalingaw nlng jud oi..
12.
rencalago | November 25, 2008 at 10:26 am
,,,,
13.
maonagyudni | February 16, 2009 at 1:56 pm
unsa mani dring dapita tinod anay ni nga site ni dr. ug abogada lourdes libres rosaroso?…maayo untag tinuod ni oy kay sus hilabihang kalisod sa akong suliran…palihog tug-an mo sa tinoud…nanginahanglan jud ko ug tambag nga makapahilom sa kasakit nga akong gibati sa akong dughan..daghang salamat
14.
Bloggistang nahinanok « EXODIANS | April 4, 2009 at 3:54 pm
[...] na usab ang blog nilang igsoong http://cooloperator.wordpress.com/suwat-tampo/ Mga drama [...]
15.
Lance - Virtual Assistants | May 3, 2009 at 7:50 pm
akong gikalipay nga sa atong modernong kalibutan karon ug bisan pa sa dakung kausaban sa kalidad ug abilidad sa mga tawo karong panahuna, aduna pa diay gihapon usa ka tawo nga nagpabiling nagpangga sa usa lang ug wala nay lain pang mas nindot ug balaknong mga paagi sa pagbatbat gamit sa atong tinuuray nga sinultian. yahoo.
16.
mary grace | September 19, 2009 at 7:49 pm
hello pwede ko mag ask sa nakabalo unsaon pagpadala og sulat sa suliran? please tell me if sino naka alam pls contack me this number +639075128098 and pls paki add me in yahoo marygrace_francis2000@yahoo.com pls i need advice nga makalinaw sakong panghunahuna…daghang salamat